Ова е дефинитивно крај за АББА, вели музичарот Бени Андерсон

By

Шведската група АББА ќе престане да постои по виртуелната турнеја на која ќе го промовираат албумот „Војаж“, вели за „Гардијан“ Бени Андерсон, еден од членовите на бендот. Ова е прв албум на АББА по четириесет години пауза.

„Тоа е тоа! Ова второ распуштање е различно од она во 1982 година. Тогаш не реков дека АББА никогаш повеќе нема да се повтори. Но сега можам да ви кажам: Овој пат е дефинитивно крајот“, рекол Бени во интервјуто.

Новиот албум на АББА ќе има десет песни и ќе биде објавен на 5 ноември. Виртуелната турнеја е закажана за 2022 година, а билетите се веќе во продажба.

За потсетување, АББА до сега објавија три песни од новиот албум, кои имаат милионски преслушувања на музичките платформи. Нивните стари хитови, како Dancing Queen, Gimme и Mamma Mia имаат преку милијарда преслушувања на стриминг-платформите.

Ќе ви се допадне