Ријана донираше пет милиони долари во борбата против коронавирусот

By

Светската пејачка Ријана донираше пет милиони долари преку својата фондација Clara and Lionel Braithwaite, за борбата против коронавирусот. Фондацијата се наоѓа во нејзината родна земја Барбадос, а истата го носи името на нејзините баба и дедо. Пејачката одлучи да поддржи неколку организации на кои им е потребна помош.

Една од нејзините цели е и фондацијата за поддршка и финансирање на ефикасни програми за образование, здравје и одговор за време на вонредна состојба во земјите во светот.

Таа секојдневно донира пари и неопходни средства за борба против опасниот вирус. Досега тоа го направија и модниот дизајнер Џорџио Арамни, кој беше еден од првите кои донираа 1,25 милиони евра за помош на клиниките и институтите.

„Одговоривме на Ковид-19 со дистрибуција на пет милиони долари за хуманитарната организација DirectRelief, Feeding America, Resueorg, WHO & Barbados со заштитна опрема, медицински материјали и храна во повеќе региони“, објавија од фондацијата, која Ријана ја основаше пред осум години.

„Никогаш не било поважно и поитно да ги заштитиме и подготвиме маргинализираните и недоволни зачувани заедници кои ќе бидат најмногу погодени од пандемијата“, порача извршната директорка на фондацијата Џастин Лукас.

Организацијата која им помага на заедниците со медицинска опрема донацијата ќе ја искористи и за помош во развој на вакцината против опасниот вирус, како и за други методи во борбата против него.

 

 

Ќе ви се допадне