Една од најголемите филмски ѕвезди во последните шеесет години, кога многумина ја сметаа за најубавата жена на светот, француската актерка, Жана Моро, почина на 90 години во Париз.
Жана веројатно е најпозната по улогата во филмот „Жил и Џим“, (Jules et Jim) од 1962 година. Во кариерата оствари бројни признание, и доби еден куп награди, вклучувајќи ја и наградата за најдобра актерка во Кан, за филмот „Седум дена, седум ноќи“, 1960 година.
Исто така соработувала и со Орсоном Велс, кој беше уверен дека таа била најдобрата актерка на сите времиња, и ја освои Бафт наградата, за најдобра странска актерка во филмот „Viva Maria“ (1967).
Жана Моро е пронајдена мртва во својот стан во Париз, потврдија француските агенции, а пренесоа светските медиуми.
