Рускиот опозициски лидер Алексеј Навални е пуштен од берлинската болница „Шарите“, каде што се лекуваше откако, според германските власти, бил отруен од нервен агенс новичок.
Во соопштението се наведува дека неговото здравје е подобрено, но дека последиците од труењето сè уште не можат да се проценат, пренесуваат британските медиуми.
На Навални му се слошило за време на летот од Сибир кон Москва, по што авионот принудно слетал во Омск, а на 20 август беше префрлен на лекување во Германија.
