Белград ќе објави меѓународен конкурс за изработка на споменик на Ејми Вајнхаус, кој би се поставил на местото каде што пејачката го одржа својот последен концерт во кариерата, најави заменик-градоначалникот Горан Весиќ.
Тој на својот Фејсбук напиша дека на денешен ден, пред точно десет години, Вајнхаус последен пат имаше концерт од својот живот, и тоа во Долниот град на белградската тврдина.
„Неполн месец по концертот Ејми почина. Се надевам дека догодина ова време ќе го имаме споменикот“, напиша тој.
