Ел Чапо плачел како мало дете кога во судницата ги видел ќерките

Еден од најозлогласените наркобосови на денешницата, Хоакин Гузман, познат под надимакот Ел Чапо, бил виден  во судницата во Њујорк како плаче како мало дете.

Ел Чапо, чие судење влезе веќе во седмата недела, почнал да плаче кога во салата влегле неговите ќерки близначки (7). Девојчињата пристигнале со нивната мајка Ема Коронел Аиспуро.

„Отворено плачеше пред сите присутни во судницата. Пред обвинителите, судијата, поротниците. Очите му беа целите црвени. Ова беше првпат да си ги види ќеркитеод август“, изјавил неговиот адвокат Едуардо Баларесо.

Психолозите велат дека ваквата сцена би требало Ел Чапо да го претстави во позитивни светло пред поротниците. Сопругата на Ел Чапо и ќерките се единствените членови на семејството кои имале право да го посетат по неговото испорачување во САД. Ќерките го посетиле Ел Чапо и во затворот каде што бил во изолација.

На Ел Чапо му се суди по 17 точки на обвинение, меѓу кои и шверц на дрога. Се смета дека картелот Синалоа, на кој тој бил главен, е одговорен за криумчарење на повеќе од половината од вкупната количина  дрога преку американско-мексиканската граница. Со овој шверц на дрога, Ел Чапо богатството го зголемил на милијарда долари.

Scroll to Top