Го паркирал „пежото“ покрај контејнер, па соседите му го натрупале со ѓубре

Жител од Сараево го паркирал својот автомобил „пежо“ на недозволено место, покрај контејнери, па следното утро кога комуналците стигнале да го соберат, го нашле целото натрупано со ѓубре.

„Паркирањето возила пред контејнер не е дозволено“, навеле од претпријатието на нивната официјална фејсбук-страница и ја објавиле фотографијата од автомобилот.

Додека некои граѓани ги поддржале луѓето кои го натрупале ѓубрето на автомобилот, други напишале дека возилото ѝ припаѓа на жена која собира картони и дека од тоа живее. Тие напишале дека е срамота тоа што ѝ го направиле.