Граѓаните на Онтарио од оваа година ќе го празнуваат роденденот на Никола Тесла, пишуваат светските медиуми. Десетти јули, кога се родил големиот научник стана и официјален празник во канадската провинција.
Одлуката била донесена на иницијатива на членовите на локалниот парламент од редовите на Новата демократска партија на Том Ракочевиќ.
Законот го потпишале и претставници на британската кралица Елизабета и заменик-гувернерот на Онтарио, Елизабет Доудсвел. Во Законот било објаснето дека станува збор за српско-американски пронаоѓач и инженер.
Исто така се потсетува дека патентите на Тесла биле основа за изградба на првата светска хидроелектрана на Нијагара и дека по 25 години, сите населени места во Јужна Онтарија добиле струја.
