MomentsInTime.com е интернет-страница што се занимава со продажба на ретки историски документи. Во понудата сега се наоѓа и даночната пријава на Адолф Хитлер од 1926 година, а цената што продавачот ја сака е огромна.
Верувале или не, дури и Хитлер морал да плаќа данок.
„Две работи што луѓето ги презираат, Адолф Хитлер и данок, се споија во онлајн-продажба“, истакнуваат странските медиуми.
Според документот, бруто-доходот на Хитлер бил 2.487 рајхмарки, некогашната германска валута.
Нацистичкиот лидер тогаш е пуштен од затвор, а неговата озлогласена автобиографија „Меин Кампф“ објавена е само година дена претходно.
Документот што се продава во себе го содржи потписот на Хитлер, како и неговата домашна адреса.
Продавачот за оваа даночна пријава бара 100.000 евра.
