Во период од 13 години „Кроација осигурување – живот“ перманентно бележи раст и развој, прераснувајќи во лидер на пазарот за животно осигурување кој секојдневно се стреми кон остварување на високо поставените цели и посакуваните резултати, вложувајќи многу труд, знаење и ентузијазам изминативе години со цел остварување висок квалитет на осигурителни услуги.
Денес „Кроација осигурување – живот“ е стабилна осигурителна компанија лидер на пазарот за животно осигурување која сè уште се издвојува како единствена ISO сертифицирана осигурителна компанија во Р Македонија со меѓународен сертификат за воспоставен систем за управување согласно со стандардот за квалитет ISO 9001:2015 и меѓународен сертификат за воспоставен систем за задоволство на корисниците и процес за управување со поплаки согласно стандардот ISO 10002:2014.
„Кроација осигурување – живот“ се издигна доста над пазарот изминативе две-три години. Тоа посебно е димензионирано оваа година кога е остварен апсолутен раст на премија дури поголем од сите останати компании на животно осигурување заедно. За „Кроација осигурување – живот“ 2018 година е историска година по остварување добри финансиски резултати. Растеме во однос на минатата година со 24 отсто, додека вкупниот пазар за осигурување живот расте со стапка од 15 отсто.
