Стара куќа се сруши во битолската населба Генимаале по силниот земјотрес кој вчеравечер го погоди Лерин, а најмногу се почуствува во Битола. Покрај старата куќа која се сруши во Битола, биле предизвикани и други материјални штети врз куќи, згради но и многу други објекти, како што е пукање на тавани и ѕидови или испаднати ќерамиди.
Земјотресот со јачина од 5.8 степени по Рихтеровата скала го погоди Лерин на длабочина од 2 километри беше почувствуван до Скопје, Кичево, Тетово и други градови низ државата.
Веднаш по првичниот земјотрес, неколку афтершокови го тресеа Лерин со помала јачина од 4.8 односно 3.5 степени по Рихтер.
По земјотресот, Битола остана без телефонска и интернет мрежа, а битолчани ноќта ја поминаа надвор пред своите домови и згради.
Фото: Фејсбук
