Јапонскиот разорувач „Исоказа“, кој бил користен во нападите од страна на јапонските сили, врз американската воена база Перл Харбор за време на Втората светска војна, е пронајден југоисточно од бреговите на Јапонија.
Компанијата „Фукада Сaлвад и Марин Воркс“ го открила разорувачот „Исоказа“, кој учествувал во познатиот изненадувачки напад на Перл Харбор во 1941 година, како и во битката кај Мидвај една година подоцна.
Потопен е на 7 април 1945 година додека го следел легендарниот супервоен брод „Јамато“ кон островот Окинава, со цел да го одбрани.
Разорувачот бил долг 111 метри и широк 10 метри. Неговата тежина изнесувала 2.500 тони. Остатоците биле пронајдени во 2016 година, но веста за неговото откритие е објавена дури сега.
