Силен вулкан се активираше на остров во Индонезија

Вулканот Сопутан се активира на островот Сулавеси во Индонезија, само неколку дена по разорното цунами што беше предизвикано од силен земјотрес.

Целиот остров за неколку часови беше покриен со пепел, а утринава од истиот почна да излегува пареа што достигна висина од 4000 метри во воздух.

Властите издадоа предупредување од трето ниво, а жителите кои живеат во круг од 6,5 километри се советуваат да останат надвор од погоденото подрачје, поради потенцијална закана од лава и опасност од вдишување пепел.

Луѓето кои одлучиле да останат во близина на вулканот се советуваат да носат маски за лице и да ги покријат носот и устата со цел да избегнат какви било проблеми со дишењето.

Досега немало извештаи за жртви или штета на островот. Во петокот минатата недела ова место беше погодено од силно цунами и земјотрес. Во природната катастрофа настрадаа повеќе од 1300 луѓе.

Scroll to Top