Официјалните лица од канадската агенција за храна и лекови добиле упатства да ја разгледаат можноста за ограничување на продажбата на високозасладените алкохолни пијалаци по смртта на една тинејџерка во Квебек.
Девојката пред смртта консумирала две лименки од овој тип пијалаци.
„Длабоко ме загрижува сè поголемата достапност и привлечност на поедини пакувања на високозасладени алкохолни пијалаци, како и фактот дека сè поголем број млади лица завршуваат во болница по консумирање на тие производи“, изјавила министерката за здравство, Жинет Петитпас Тејлор.
Educ’alcool director Hubert Sacy said he’s not impressed with the response from lawmakers after the death of 14-year-old Athena Gervais, who reportedly consumed such a product last month. https://t.co/loDwiHMLbq
— TorontoStar (@TorontoStar) March 13, 2018
„Им наложив на лицата во министерството да ги преземат сите потребни мерки за да го решат проблемот“, истакнала Тејлор.
Со новите прописи би се забраниле сите алкохолни пијалаци што ќе го надминат одредениот лимит на удел во шеќерот, вклучувајќи ги и оние кои содржат вештачки засладувачи, се наведува во соопштението од канадското Министерство за здравје.
Предлогот не се однесува на ликерите и десертните вина.
Health Canada mulling new rules to limit sugar and alcohol in energy drinks #cdnpoli https://t.co/kvaJ4NvFhu pic.twitter.com/zhEFEGBJYW
— HuffPost Canada (@HuffPostCanada) March 20, 2018
По смртта на тинејџерката, во Квебек веднаш од полициите бил повлечен кофеинскиот алкохолен пијалак FCKD Up.
Произведувачот на овој пијалак објавил дека го промениле мислењето за таа категорија пијалаци и се одлучиле да престанат со производството на истиот.
