(Видео) Се продава лимузината на Путин

Руската компанија „Аурус“ која важи за прв руски ултралуксузен автомобилски бренд отвори изложбено продажен салон во Москва. Во салонот потенцијалните купци ќе можат да се запознаат со моделот „Сенат“, кој има мотор од осум цилиндри и две турбини, како и погон на сите четири тркала.

Целната група на купци на лимузината „Аурус, чија цела е 274.000 долари воглавно се клиенти во Северна Африка и на Блискиот исток, но е наменета и за европските и кинеските купци.

„Очекуваме сличен салон да биде отворен во Кина во 2020 година или 2021 година“, изјавил министерот за индустрија и трговија Денис Мантуров, за време на церемонијата на отворањето на салонот во Москва.

Директорот на брендот „Аурус“, Адиш Ширинов изјавил дека засега не се планира малопродажба на тие автомобили во 2019 година, но ќе биде можно, автомобилот да се погледне и порача.
Проектот Кортеж ги опфаќа луксузните автомобили за најголемите државници и во него спаѓаат лимузините, „седан“, „минивен“ и теренецот за единствената модуларна платформа.

Со проектот раководи Државниот истражувачки институт за автомобили, со партнерство со групата „Солерс“ и странски партнери. Русија во овој проект вложила 189 милиони долари. Претседателот на Русија, Владимир Путин се возеше во една од лимузината „Аурус“, за време на минатогодишната инаугурација за претседател.

Поврзани вести

Scroll to Top