Француски пилот два часа висел на струен далековод, откако претходно успеал да се катапултира од неговиот авион, белгиски ловец Ф-16, кој се срушил во западна Франција, пренесуваат француските власти.
Инцидентот се случил кај градот Плувиње, пренесува „Асошиејтед прес“. Еден од пилотите безбедно слетал на земја, а за другиот кој паднал врз каблите на далеководот, морале да интервенираат спасувачките екипи.
Во областа каде паднал авионот никој не е повреден. Портпаролката на тамошната полиција изјавила дека стотина полицајци стигнале на местото на падот на авионот за да истражат што се случило.
