(Видео) Се судрија два авиона на писта во Судан

Два воени транспортни авиона „антонов“ тешко се оштетени по сударот што се случи на пистата на аеродромот во Картум во Судан.

Овој судар на авионите го забележале безбедносните камери на аеродромот. Локален сајт пренесе дека во несреќата се повредени осум лица. На прикажаната снимка, еден од авионите со голема брзина го удира другиот во задниот дел.

Двата авиона се тешко оштетени, а аеродромот е затворен. Одговорните лица на аеродромот пренесоа дека станува збор за судар на воените авиони „антонов Ан-26“ и „антонов Ан-32“.