(Видео) Ученик со пиштол играчка и се заканил на наставничката

By

Видео снимка на која се гледа како ученик во едно школо во Франција со лажен пиштол и се заканува на наставничката, ја згрози јавноста низ светот.

Инцидентот се случил во југоисточното предградие на Франција, а на снимката може да се види како ученикот го држи пиштолот на нејзината глава, додека негов пријател во позадина го снима целиот настан и покажува среден прст.

Наставничката и покрај тоа што на прв поглед делува смирено, затоа што знае дека се работи за пиштол играчка, по целосниот преглед на видеото може да се заклучи дека не и било сеедно.

Јавноста во коментарите под видеото кое се рашири низ социјалните мрежи, смета дека 16 годишниот тинејџер треба да одговара и да добие соодветна казна.

Целиот случај го коментирал и претседателот на Франција Емануел Макрон, кој изјавил дека ваквите инциденти се неприфатливи.

Овој случај покренал и лавина коментари, укажувајќи на тоа како професорите секојдневно се соочуваат со насилствата во школите од страна на учениците и бараат од властите соодветни мерки за да вакви случаеви се спречат во иднина.

Ќе ви се допадне