(Видо) Снимка од Чернобил по катастрофата и денес буди морничави чувства

By

Новата серија на HBO „Чернобил“ е апсолутен хит во светот, а на IMDB моментално има оценка од 9,5, што е повеќе од неодамна завршената „Игра на тронови“ и легендарниот „Брејкинг бед“.

„Чернобил“ со реален приказ на една од најголемите катастрофи предизвикани од човечки фактор привлече внимание на светската јавност, а особено во посткомунистичките и постсоветски земји.                                                       Од друга страна, за најголемата нуклеарна катастрофа малку се знае, што е уште еден фактор за успехот на серијата. Советските власти се обидувале да прикријат, па и да ги ублажат нејзините последици, но ветерот радијацијата ја однел до скандинавските земји по што целиот свет дознал за хаваријата.

Снимките направени непосредно по нуклеарната катастрофа се ретки. Постојат кратки секвенци, како она од падот на хеликоптер кој гаснел пожар. И таа трагедија советските власти се обиделе да ја сокријат, но снимката од падот на леталото, која ја направил Шевченко, и погинувањето на екипажот се појави на интернет. Сцената од падот на хеликоптерот на кој му застанал моторот при силна изложеност на радијација е додадена и во серијата.

Сепак, на интернет постои снимка што се издвојува, а направена е непосредно по катастрофата.

Ја направил украински ТВ-снимател и филмски режисер Владими Шевченко. Бидејќи работел за украинската централна телевизија поседувал документ што му дозволувал пристап секаде, па и до самата електрана по експлозијата.

Така направил автентични снимки од електраната само неколку дена по експлозијата. Со тоа го жртвувал својот живот, бидејќи два месеца подоцна починал како последица на радијацијата. Соработникот кој го следел успеал да преживее, но исто така поради изложеност на радијација бил во болница.

Ќе ви се допадне