Во метеор откриено зрно прашина старо 7,5 милијарди години

By

Научници од САД и Швајцарија во метеор кој паднал на земјата во 60 години од минатиот век во Австралија, откриле зрно прашина старо околу 7,5 милијарди години.

Ова зрно прашина се формирало во ѕвездите кои се распрснале, по што бил создаден нашиот Сончев систем. Кога ѕвездата ќе умре, честиците внатре во неа, се распрскуваат низ вселената.

Овие пресоларни честички потоа се групирале во нови ѕвезди, планети, месечини и метеори. Професорот на Универзитет во Чикаго, Филип Хек вели дека тоа се цврсти честички од ѕвездата и вистинска ѕвездена прашина.

„Убеден сум дека има стари пре-соларни минерали во овој и другите метеори, само што сеуште ги немаме пронајдено“, изјавил Хек.

Се досега, најстариот материјал кој бил откриен, бил стар 5,5 милијарди години.

„Благодарение на овие честички, сега имаме директни докази за периодот на формирање на ѕвездите во нашата галаксија. Станува збор за период од пред седум милијарди години. Ова претставува едно од клучните откритија“, изјавил Хек.

 

Ќе ви се допадне