Пенастото кафе кое се топи во усните е мало уживање за кое е потребно неколку моменти за да го подготвиме дома.
Не излегуваме од дома, кафулињата не работат, а на многумина им недостига омиленото кафе во кафуле. Ова кафе буквално преку ноќ го освои Инстаграмот и популарната мрежа ТикТок. Напитокот е инспириран од корејските слатки, Далгон бонбоните, кои потсетуваат на кафе.
Како да подготвите Далгона кафе дома?
Далгона кафето повеќе е како десерт отколку кафе, а во текот на карантинот стана хит на Инстаграм и ТикТок. Не е чудо! Нежното, пенасто кафе и ладното млеко се совршена комбинација.
Погледнете ја нашата галерија во која ќе најдете инспирација директно од Инстаграм и сто така откријте рецепт за популарното и вкусно кафе.
Далгона кафе – рецепт
Состојки за една шолја:
- 2 кафени лажици инстант кафе (може и нес)
- 2 лажици шеќер
- 2 лажици топла вода
- Пола шолја млеко
- Опционално неколку коцки мраз
Начин на подготовка:
Го мешате кафето заедно со шеќерот и водата. Тоа може да го направите и со миксерот, маталка за нес или со лажица. Важно е да добиеме густа пена. Ставаме неколку коцки мраз во чашата и го истураме млекото.
Пријатно!
