Кога ќе прочитате „фереро роше“, веќе го имате чоколадниот крцкав вкус в уста како кога ги јадете омилените топчиња.
Но, што ако ви кажеме дека сами можете да го подготвите идентичниот вкус, само во облик на колач?
Ви треба нешто помалку од 1 час и следниве состојки:
За кората:
- 100 g путер
- 100 g шеќер во прав
- 4 јајца
- 130 g црно чоколадо со над 50 проценти какао
- 1 лажица какао во прав
- 1 кесичка ванила шеќер
- 70 g брашно
- прстофат сол
- 70 ml слатка павлака
- 130 ml млеко
За кремот:
- 400 g „нутела“
- 400 g крем-сирење
- 250 g сечкани лешници
- 100 g изронети наполитанки
За глазурата:
- 200 g црно чоколадо
- 200 ml слатка павлака
Подготовка:
Со миксер изматете го шеќерот со путерот, а чоколадото стопете го на пареа.
Во путерот додадете ги 4-те жолчки, една по една, изладеното чоколадо и ванила шеќерот.
Брашното измешајте го со прашокот за печиво, па додадете го во смесата со лесно мешање. Додадете ги и слатката павлака, млекото и на крајот белките што ќе ги изматите како пена.
Во една тава распоредете ја смесата и печете ја кората на 180 степени 30-ина минути. Изладете ја кората и пресечете ја на два еднакви дела.
За кремот измиксирајте го крем-сирењето со „нутелата“, сечканите лешници и издробените наполитанки. Филувајте ја едната кора, па покријте со втората.
Чоколадото за глазурата истопете го на пареа и измешајте го со слатката павлака. Прелијте преку колачот.
Декорирајте по желба со уште лешници или рендано чоколадо.
