Сочни, здрави и лесни мафини, кои прелеани со глазура од лимон, потсетуваат на нашиот традиционален колач со лимон.
Состојки:
- 100 гр путер
- 170 гр шеќер
- 2 јајца
- 260 гр меко брашно
- 30 гр трици од овес
- 1/2 пакетче прашок за печиво
- прстофат сол
- 60 мл сок од лимон
- 250 мл млеко
- 3 лажици суво грозје
Глазура од лимон:
- 70 гр шеќер во прав
- 5 лажици сок од лимон
- неколку капки масло
Подготовка:
Со миксер добро се матат путерот и шеќерот, па се додаваат јајцата. Полека се додаваат и другите состојки по редоследот наведен во рецептот и се мати смесата со миксер. Се ставаат хартиените корпи во калапите за мафини и се истура од смесата речиси до врвот. Се пече во рерна загреана на 170 степени, 20 минути. Испечените и малку изладени мафини се прелеваат со глазура од лимон.
