Потребни состојки:
6 големи компири
6 лажици кајмак
200гр месната сланина
200гр кашкавал
сол, бибер, зачини
малку магдонос
Начин на подготовка:
Добро измијте ги компирите, па со лажица извадете еден дел од средината, да се направи дупка во компирот. Наредете ги на плех обложен со хартија за печење, па посолете ги и додајте бибер и покријте ги со алуминиумска фолија. Ставете ја тавата во загреана рерна и печете ги 45 минути на 200 степени.
Додека компирот се пече, исечете ја сланината на мали коцки. Одделете малку сланина и оставете настрана.
По 45 минути, извадете ги компирите од рерната, рамномерно распоредете ги парчињата сланина во секоја и ставете полна лажичка кајмак врз нив. Вратете ја фолијата, потоа печете уште 15 минути.
Извадете го компирот и ставете го ренданото сирење и преостанатите парчиња сланина над секој од нив. Посипете со малку сечкан магдонос и вратете во рерна да се пече уште 20 минути.
