Состојки:
2 тиквички
сол
4 јајца
150 гр презла
200 гр брашно
Маслиново масло или сончогледово масло
Подготовка:
Излупете ги тиквичките и пресечете ги на кругчиња, ставете ги во подлабока чинија, насолете ги и измешајте ги со рацете. Оставете 10-15 минути да отстојат за да пуштат вода и исцадете ја. Јајцата изматете ги со виљушка, а секое крукче прво извалкајте го во брашно, потоа во јајца и конечно во презла. Ставете парче хартија за печење во тепсијата и ставете ги крукчињата, прелијте го секое крукче со малку маслиново масло. Печете во рерна на 220 степени околу 30 минути. За време на печењето, свртете ги тиквичките да се испечат и од другата страна.
