Доколку немаме доволен број на црвени крвни зрнца (еритроцити) во крвта, кои би носеле одредена количина кислород до сите клетки во телото, тоа укажува дека страдаме од анемија (слабокрвност). А со анализа на крвта во лабораторија, ниското ниво на хемоглобин во крвта може да ни го допотврди тоа.
Во многу случаи, причина за анемија (слабокрвност) е ниското ниво на железо, фолна киселина, витамин Б12 и витамин Ц во организмот, па затоа добрата и здрава исхрана е клучна во борбата против анемијата.
Симптоми на анемија
Најчести симптоми на анемија се:
- хроничен замор,
- низок крвен притисок,
- чувство на слабост,
- забрзано чукање на срцето,
- главоболка,
- вртоглавица,
- чувство на студени раце и ладни стапала,
- несоница,
- депресија,
- раздразливост,
- крварење на непцата,
- проблеми со кожата,
- бледо лице,
- косопад,
- кршливи нокти.
Ако ја промените вашата вообичаена исхрана и ако вклучите природна и здрава храна богата со железо и витамин Ц во вашата исхрана, тогаш можете да ја подобрите, па дури и да ја излечите состојбата на анемија.
Магдонос и сок од лимон
Ситно исечкајте 1 китка магдонос и ставете ја во блендер. Додадете чаша вода и сок од 1 исцеден лимон. Добро изматете, па исцедете го сокот и испијте го наутро. Железото од магдонос подобро се апсорбира доколку се внесе во организмот заедно со лимонската киселина.
Салата за анемија
Оваа салата е многу лесна за правење, а нејзините состојки се идеални не само за лекување на анемијата, туку и за луѓе со висок холестерол, за бремени жени и за дијабетичари.
- 3 чаши кафеав грав
- 1 црвена пиперка исечкана на коцки
- 1 жолта пиперка исечкана на коцки
- ½ црвен кромид (ситно сецкан)
- 1 китка магдонос (исечкан)
- 2 исцедени лимони
- 1 лажица маслиново масло, сол по вкус
Откако ќе го сварите гравот, добро исцедете го претурете го во сад. Додадете пиперки, кромид и магдонос. Потоа прелијте со маслиново масло, сок од лимон и сол по желба.
