Без разлика дали е лето или зима, одредени плодови секогаш може да се најдат во продавниците и пазарите, а потоа и на вашата трпеза. Сепак, многумина не знаат дека овошјето не треба да се консумира неконтролирано. Ако се внесе погрешно, овошјето може да направи повеќе штета отколку добро.
Нутриционистката Ивана Мишиќ открива работи коишто веројатно не сте ги знаеле за овошјето:
1. Овошјето се јаде помеѓу оброците, како независен оброк, бидејќи само на овој начин се синтетизираат сите хранливи материи во цревата и телото им зема сè што е потребно од нив. Потребно е извесно време за да се свари овошјето, затоа треба да му дадеме доволно време помеѓу оброците и да не го оптоваруваме телото со друга храна, коешто само ќе го продолжи периодот на варење и ќе ја намали искористеноста на сите хранливи материи од овошјето.
2. Овошјето не треба да се јаде после обилен оброк. Овошјето помешано со друга храна создава непотребни киселини во нашите органи, кои реагираат со друга храна, така што храната и овошјето не се варат правилно, а ние чувствуваме стомачни тегоби.
3. Овошјето содржи многу витамини кои му се потребни на нашето тело. Иако сите ние го врзуваме овошјето само за витамин Ц, многу овошја ги содржат и витамините К, Е, А и витамините од Б групата, кои исто така се многу важни за нашето тело.
4. Плодовите помагаат при варењето. Овошјето и зеленчукот содржат целулоза којашто помага при варењето, ја олеснува работата и празнењето на цревата. Покрај тоа, тие се богати со растителни влакна, кои ги стимулираат движењата на дебелото црево и го намалуваат ризикот од проширени вени во ректалниот регион.
5. Можете да го намалите ризикот од дијабетес со овошје. Ако земате овошје како „слатко“, ќе го контролирате нивото на шеќер во крвта и со тоа ќе го намалите ризикот од развој на дијабетес (дури и ако имате генетска предиспозиција за тоа).
