Кивито е популарно овошје кое многу луѓе сакаат да го јадат како ужина или да го додаваат во салати и богат и хранливипојадок. Ова овошје е многу здраво, а диететичарите издвоија неколку причини зошто ова овошје треба да биде на нашето мени секој ден. Редовното консумирање киви влијае на целокупното здравје, како и на имунолошкиот систем, срцето и варењето.
Диететичарот Алекс Турнбул истакнува дека кивито е „одличен извор на витамин Ц, микронутриент кој игра неколку клучни улоги во нашиот имунолошки систем“. Овој есенцијален витамин делува како моќен антиоксиданс кој може да ги заштити клетките во телото од оштетување.
Витаминот Ц, кој се наоѓа во кивито, може да ги зајакне неутрофилите, некои од првите клетки кои реагираат и ги ублажуваат инфекциите, пренесува Eating Well. Тие додаваат дека јадењето на едно киви може да обезбеди повеќе од 60 отсто од препорачаната дневна вредност на витамин Ц, кој долгорочно позитивно влијае на целокупното здравје.
Освен витамин Ц, кивито содржи и калиум, а диететичарката Кејт Петерсон истакнува дека витаминот Ц и калиумот „може да помогнат во намалување на крвниот притисок“. Одржувањето оптимален крвен притисок е важно за здравјето на срцето, бидејќи нормалното ниво на крвен притисок има ефект на намалување на целокупното оптоварување на срцето и артериите.
Кивито е богато со диетални влакна кои можат да помогнат во промовирање на правилното варење и спречување на запек. Исто така, содржи ензим наречен актинидин, за кој студија од 2022 година објавена во списанието Foods покажа дека може да го подобри разградувањето и варењето на одредени протеини.
