Дизајнерот Јинка Илори со живописни бои трансформира 18 пешачки премини во Лондон. Познатиот уметник ги замени црно-белите премини во центарот на градот со шарени дизајни направени во нијанси на сина, портокалова, розова, виолетова и зелена боја.
Проектот на Илори, „Зближи го Лондон“, е направен за да предизвика весели чувства кај луѓето што се движат низ градските улици, особено во есен кога градот е тмурен.
„Место да бидат здодевни, пешачките премини може да бидат точка каде што луѓето може да искусат уметност. Се надевам дека ќе предизвикаат радост, насмевка и позитива во нивното секојдневие“, вели дизајнерот.
Ова уметничко дело е во рамките на Фестивалот на дизајн, а на Јинка му помогнаа студенти од Универзитетот за уметност.
