Изутринава преовладува променливо облачно време, во западните делови на планините има слаби и повремени врнежи од снег. Дува умерен до засилен ветер од северозападен правец.

Од УХМР велат дека денес времето ќе биде променливо облачно и студено со сончеви периоди и слаби локални врнежи, претежно од снег. Особено студено ќе биде во утринските часови. Во западните и крајните северни делови ќе повремен слаб локален снег, особено претпладне. Ќе дува умерен, на повисоките места и планините засилен северен ветер.  Највисоката температура преку денот ќе достигне  од -3 до 3 степени. Во Скопје, променливо облачно со услови за слабо проврнување на снег. Температурата ќе достигне до околу нула.

До четврток ќе преовладува променливо облачно и студено време со кратки сончеви периоди. Утре ќе дува умерен, на повисоките места и планините засилен северен ветер, а претпладне во западните и северните делови ќе има повремен слаб снег. Во четврток во утринските часови поради разведрувањето температурите ќе бидат многу ниски, на повеќе места ќе се спуштат под -10степени. Во четврток кон крајот на денот во западните делови ќе има локални врнежи од снег, а во петок ќе поминуваат во дожд, но локално ќе има и услови за замрзнат дожд.

Отежнат сообраќај, забрана за движење на некои патишта

Зимски услови, влажни коловози и кашест снег е моментната состојба на патиштата во земјата. Поради појава на магла, видливоста е намалена до 50 метри на планинскиот превој Плетвар. Врнежи од снег со слаб интензитет има во Маврово, Смојмирово и на планинските превои Стража и Ѓавато.

Од АМСМ информираат за следниве забрани за сообраќај:

Маврово-Дебар, Кичево-Охрид преку планинскиот превој Пресека, Гостивар-Кичево преку превојот Стража и Струг-граничен премин Ќафасан.
Од 7.30 часот изутрината укинати се забраните преку превоите Буково и Ѓавато.

Обилните врнежи од снег го отежнаа сообраќајот на патот Крушево-Прилеп и Крушево-Демир Хиса, каде што е задолжителна зимска опрема за патнички моторни возила, а не се пропуштаат товарни возила.

Во клисурите и засеците можна е појава на одрони, особено на патните правци: Кочани-Македонска Каменица-Делчево, Виница-Берово, Гостивар-Стража, Маврово-Дебар-Струга, Демир Капија-Удово, Катланово-Велес, Крушево-Демир Хисар и Ресен-Буково.

Интензитетот на сообраќајот на патните правци надвор од градските средини е умерен. Во сила е законската обврска за задолжително поседување зимска опрема во возилата. Доколку тргнувате на пат, возете внимателно.

Снежна покривка од еден метар во Маврово