По речиси две и пол години трагање полицијата конечно успеа да го најде девојчето Пејсли Шалтис кое се водеше за исчезнато од 2019-та година.
Пејсли која сега има шест години, беше откриена во куќа во градот Саугертис по претресот во понеделникот.„Таа е во добра здравствена состојба и сега е вратена со нејзиниот законски старател и постарата сестра“, соопшти полицијата.
Исчезнувањето било пријавено во април 2019 година од округот Тиога во Њујорк, според соопштението на полицијата.
Таа тогаш имала четири години. Властите уште од почетокот веруваа дека ја киднапирале нејзините биолошки родители Кимберли Купер (33) и Кирк Шултис Џуниор. (32), откако го загубиле старателството над неа во 2019 година.
Пронајдена во тајна просторија под скалите
Откако добила информација дека Пејсли се наоѓа во куќа во градот Саугертис, во областа Алстер, полицијата добила налог за претрес на куќата.
Таткото на Кирк Шултис, кој е сопственик на куќата, бил таму кога полицијата извршила претрес и рекол дека не знае каде е Пејсли.
Но, нешто повеќе од еден час по претресот, еден од детективите забележал дека скалите кои водат до подрумот на куќата се чудно изградени.
По отстранувањето на неколку плакети, полицијата ги пронашла Пејсли и нејзината биолошка мајка Купер како се кријат во она што полицијата го опиша како „мало, ладно и влажно“ заградено место.
Купер, Шултис и неговиот татко биле уапсени и обвинети за киднапирањето на Пејсли. Таткото и синот се ослободени во очекување на судењето.
„Истрагата е во тек и се очекуваат нови апсења“, се вели во соопштението на полицијата.
