Фудбалерите ќе добијат по 10.000 евра од државата

Фудбалските репрезентативци ќе добијат по 10.000 евра награда од државата за пласман на Европското првенство во 2021.

Ова вчера беше одлучено на седницата на Владата, а премиерот Зоран Заев одлуката ја објави на „Фејсбук“.

По победата над Грузија од 1:0 во финалето на Лигата на нациите, Македонија првпат во својата историја избори пласман на Европско првенство.

Игор Ангеловски и неговите фудбалери ќе играат во група со репрезентациите на Холандија, Австрија и Украина.

Првите два натпревара на 13 и 17 јуни нашата репрезентација ќе ги игра во Букурешт, Романија, а на 21 јуни против Холандија во Амстердам.

Европското првенство требаше да се одржи во јуни и јули оваа година, но поради пандемијата на коронавирусот, беше одложено за 2021.

Scroll to Top