Пред две недели роверот „Персеверанс“ се спушти на површината на Марс по седуммесечно патување од Земјата. Од таму испрати фотографии од околината на местото на слетување, кратерот Езеро, 49 километри широка депресија северно од екваторот на планетата.
Главната цел на мисијата на „Персеверанс“ е да бара траги на древен примитивен живот кој можеби постоел. Научниците веруваат дека некогаш тоа било езеро. Тој исто така ќе ја испитува геологијата на Марс и ќе собира примероци од карпи и почва, а исто така ќе фотографира со своите 23 камери. Во план е да се изведе и првиот лет со минихеликоптер во разретчената атмосфера на Марс.
