(Галерија) „Тринити стрингс“ ги споија генерациите во Аеродром со летна забава и музички хитови

Со избрани музички хитови отсвирени на гудачки инструменти, дамите од триото „Тринити стрингс“ вчеравечр ги собраа жителите на населбата Аеродром во паркот на светилките каде се случуваше вистинска забава.
Со многу енергија и во позитивна атмосфера, аеродромци од сите генерации уживаа во летното интермецо. Ова беше вистинско освежување по долгата година со пандемија и ковид-мерките заради кои до скоро немаше никакви музички настани.
 Во публиката беше и поп-пејачкта Дани Димитровска. Па освен што ги пееше песните и играше на музиката, еден куп тинејџери ја препознаваа и бараа да се фотографираат со неа.
„Летното интермецо во паркот под светилки го овозможивме со цел да се дружиме, да се забавуваме и да ја промовираме македонската музика во летниот период“, рече градоначалникот Златко Марин.
Настанот го организираше Општина Аеродром во соработка со Здружението на естрадни уметници (ЗЕУМ). Од Аеродром велат дека ќе продолжат во истиот стил да го збогатува летото со музички и културни настани.
(А.Г) 
Scroll to Top