Дваесет и четиригодишната Мија Колијама има необична професија. Работи за компанијата Тодо, која се занимава со чистење на домовите на луѓе кои починале. Нивната таканаречена „осамена смрт“ на јапонски јазик значи „кодокуши“, пренесува Алџезеира.
Тоа е сè почест феномен во оваа земја каде што има постара популација. Мија е единствената жена и најмлада вработена во оваа компанија.
„Главно чистам станови и куќи во кои се има случено ‘осамена смрт’, а истовремено ги организирам и нивните погреби“, вели оваа девојка, која со оваа професија се занимава веќе две години.
„Покојниците чии куќи ги чистам во просек лежеле мртви од еден до осум месеци. Понекогаш ги чистам и домовите на луѓето кои починале во болница, кои се убиени или извршиле самоубиство.
Таа секое утро има состанок со своите колеги и дискутираат за тоа што ќе работат тој ден. Тогаш тимот од шестмина се упатува на зададената локација, а со работа завршува околу 15 часот. За извршената работа заработуваат меѓу 2500 и 4200 евра.
„Работам сè, од почеток до крај. Возам камион, чистам. Пред да влезам се молам за нивната душа да почива во мир. На почетокот ми паѓаше тешко. Некои сцени не можев да ги поднесам, а понекогаш оваа работа знае да биде и физички напорна. Најтешко ми е што морам да разговарам со семејството. Потешко е да се чисти куќата на оние кои биле убиени или се самоубиле затоа што воздухот на тие места е потежок“, вели таа.
