Грета Тунберг, по една година пауза, се врати на училиште

Шведската активистка и поборник против климатските промени, тинејџерката Грета Тунберг, по една година пауза, се врати на училиште, пренесуваат светските медиуми. Таа порача дека нејзината пауза и изостанувањето од училиштето се завршени.

Грета откри дека чувството повторно да биде во школските клупи со своите соученици е одлични. Младата Швеѓанка се пофали на „Фејсбук“ дека повторно ќе може да му се посвети целосно на училиштето.

За потсетување, Грета во јуни минатата година објави дека го прекинала школувањето за да се посвети на климатските цели. Таа неодамна се сретна и со германската канцеларка Ангела Меркел, од која побара преземање на лидерството во глобалната борба против климатските промени.

Во петокот, во Берлин, Грета учествуваше на протестите за климата почитувајќи ги мерките за заштита против коронавирусот, носеше маска и држеше растојание од другите.

 

 

Scroll to Top