Изгоре гнездо со пет мали штркчиња во Кавадаречко

Гнездо на штркови во кое имало пет мали штркчиња изгорело денеска во кавадаречкото село Сопот. Интервенирала и Територијалната противпожарна единица од Кавадарци.

Командирот Илчо Богевски во изјава за МИА рече дека, според првичните информации, можно е поради змија или меѓусебно туркање, штрковите да предизвикале допирање на две жици и спој, по што настанал пожарот.

Изгорел и дел од бандерата, но спречено е огнот да се прошири на блискиот објект. Очевидците изразија жалење што не биле  спасени младите штркчиња.

– Видно вознемирени, возрасните единки седеа до последен момент во гнездото, како да бараа начин да ја спасат својата рожба. За жал, не можевме да им помогнеме на време, иако се јавивме во противпожарната служба и ЕВН – рекоа очевидци.

Scroll to Top