Кинески авиони полетаа кон Тајван во одбрана на суверенитетот

Воздухопловството на Кина соопштило денеска дека спроведува летачка обука во областа околу островот Тајван, која, како што е наведено, означува „историски чекор“ во борбените способности на Кина.

На официјалниот микроблог на Воздухопловството  е наведено дека меѓу другите полетале и ловци, авиони за електронско извидување и бомбардери со долг дострел H-6, и тоа од различни бази.

Наведено е дека авионите летале околу Тајван, прелетувајќи го каналот Баsи на југ и протокот Мијако на север, во поморската граница со Јапонија.

Во извештајот е наведено дека портпаролот на Воздухопловството на Кина, Шен Џинке, изјавил дека воздухопловните сили на Кина „имаат цврста волја, целосно убедување и доволно способност да ги заштитат националниот суверенитет и територијален интегритет“.

Пекинг смета дека Тајван е неодвоив дел од Кина.

Повеќето земји во светот го признале Тајван во 60-тите години од минатиот век, но сега го имаат признаено само неколку држави.

 

Scroll to Top