Македонскиот филм „Налепница“ во трка за „Оскар“

By

Краткиот филм на Горги Унковски, „Налепница“, влезе во трката за номинација за „Оскар“ кога вчера победи на 18. издание на меѓународниот фестивал „Ин д палас“, кој се одржа во Софија.

„Налепница“ во јануари имаше премиера на престижниот американски фестивал на независни филмови „Санденс“. Ова е трета година по ред како македонски филм успева на реномираниот „Санденс“, а два пати да се квалификува за „Оскар“.

„Налепница“, кој е поддржан од Агенцијата за филм на Македонија, веќе бележи голем успех на филмски фестивали во целиот свет.

Продуцентот „Синема футура“ објави дека за 9 месеци играл во официјална конкуренција на 135 фестивали, освоил 20 награди и имал дистрибуција на „Топик“, „Канал + Шпанија“ и „ХБО Европа“.

Главниот лик го глуми Сашко Коцев, кој на фестивал во Италија доби награда за најдобра улога. Играат и Соња Стамболџиоска, Мони Дамевски, Љупчо Тодоровски-Упа, Димитрија Доксевски, Џевдат Јашари и др.

Ќе ви се допадне