Најстариот американски ветеран од Втората светска војна го прослави 112. роденден

By

Лоренс Брукс, најстариот американски ветеран од Втората светска војна, наполни 112 години. Тој роденденот го прослави во својот дом во Њу Орлеанс, а забавата му ја приредил Националниот музеј за Втората светска војна. Роденденот му го честитал и гувернерот на сојузната држава Луизијана, Џон Бел Едвардс.

„Господине Брукс, целата држава Луизијана ви е благодарна за она што го постигнавте и ви посакуваме да уживате во вашиот роденден“, му порачал Едвардс.

Музејот ја приредил оваа забава и покрај тоа што другите забави во последните две години биле откажани поради корона. Дел од прославата била и парадата на теренците и настапот на музичко трио.

Брукс е роден во 1909 година во Норвуд, Луизијана, а во Њу Орлеанс живее од 1929 година. Тој бил регрутиран во 1940 и служел во 91. инженерски баталјон. Потоа бил испратен во Нова Гвинеја и Филипините, каде бил вклучен во изградба на инфраструктурата како мостови, улици и аеродромски патеки.

Тој во една прилика раскажал што се случувало кога се наоѓал во авионот Ц-47, со која била доставувана бодликава жица, во моментот кога му откажал моторот. Жицата ја исфрлиле од авионот за да го направат полесен. На пилотот и копилотот, кои единствени имале падобрани, им рекол дека ќе се држи за едниот од нив ако бидат принудени да скокнат од авионот. На крајот сепак успеале да слетаат, а потоа се смееле за тоа што се случувало, пренесува АП.

 

Ќе ви се допадне