Нема раце, а игра пинг-понг

By

Ибрахим Хамато од Египет, непознат за пошироката спортска јавност, во центарот на вниманието се најде поради начинот на кој игра пинг-понг. Животната приказна на овој пинг-понг мајстор може да им биде инспирација на сите оние што се занимаваат со каков било спорт, но и на писателите на романи и на холивудските режисери.

Кога имал 10 години, Хамато во сообраќајна несреќа останал без двете раце. Трагедијата што му се случила не го поколебала да го исполни својот сон, односно да стане врвен спортист.

Она што е неверојатно е што решил да се испроба во спортот што се игра со раце, а интересна е причината поради која Хамато решил да почне да се занимава со пинг-понг.

„Бев судија додека моите другари играа пинг-понг. Во еден момент еден од нив оспори една одлука, а јас тогаш решив да се испробам во овој спорт. Бидејќи не најдов никој што може да ми помага во тренинзите, започнав да тренирам сам. Со нозете го фрлав топчето во ѕидот, а потоа со рекетот што го држев во устата се обидував да го удрам. Долго време тренирав на тој начин и навистина беше напорно. Сè ме болеше, но не сакав да се откажам“, истакнал Хамато.

Сонот му се остварил во 1991 година кога настапил на африканскиот турнир за инвалидизирани лица. Турнирот го завршил со освоен златен медал. Потоа следувал и повик за гостување на Си-ен-ен. Во интервјуто за познатата телевизија открил од каде толкава страст кон пинг-понгот.

„Кога бев дете, во моето село можевте да играте фудбал или пинг-понг, јас играв и едното и другото. По несреќата, беше логично да продолжам да играм фудбал, но јас се решив за пинг-понг, ми претставуваше поголем предизвик“.

Најголем успех во кариерата на Хамото е настапот на Параолимписките игри во Рио де Жанеиро во 2016 година. Иако загуби во квалификациите од Германецот Томас Рау, побликата можеше да ужива во мајсториите на човекот што е влезен во петтата деценија од животот.

Ќе ви се допадне

WCOStream dubbed anime: Kuro Gal ni Natta kara Shinyuu to shitemita. Episode 1

ANIMEFLIX neon genesis evangelion animeflix: One Piece (Dub) Episode 693