Времето во Македонија ќе биде променливо облачно и студено со умерен до засилен северен ветер. Претпладне во источните делови ќе има услови за повремен слаб снег.
Од пладневните часови ќе е претежно сончево со мала до умерена облачност. Утринската температура ќе се движи од минус три до три степени, а дневната од минус еден до пет степен.
Во Скопје ќе биде променливо облачно и студено со умерен до краткотрајно засилен северен ветер. Температурата во интервал од нула до четири степени.
Утре наутро ќе биде многу студено, а преку денот ќе биде претежно сончево и без врнежи. Нов влажен бран со пообилни врнежи од дожд ќе има од четврток.
На повисоките планини над 2000 метри надморска висина ќе има и врнежи од снег. В четврток ќе дува повремено засилен југоисточен ветер, а од петок утринските температури насекаде ќе бидат позитивни.
