Регулаторната комисија за енергетика ги објави новите цени на горивата што ќе важат од вечерва на полноќ. Според новата промена поскапува 95-октанскиот бензин, а поевтинува дизелот.
Од вечерва на полноќ за половина денар ќе се зголеми цената на Еуросупер-95 и еден литар од ова гориво ќе чини 68 денари. Непроменета останува цената на Еуросупер-98 и еден литар од ова гориво ќе продолжи да се продава за 69,50 денари.
Цената на Еуродизел горивото се намалува за еден денар и еден литар дизел гориво од вечерва ќе чини 59,50 денари.
Новите цени ќе важат следните две седмици.