Новинар го заборавил мајчиниот јазик откако три години поминал заробен во Сирија

By

Јапонскиот новинар Јумпеи Јасуда, три години бил заробен во Сирија, а прв пат за своето искуство проговорил откако бил ослободен во 2018 година пред новинарите во Турција од каде требало да замине за Токио.

„Среќен сум што се враќам во Јапонија, но што ќе биде понатаму навистина не знам“, раскажал 44 годишниот Јасуда на новинарите, велејќи дека речиси го заборавил мајчиниот јазик по три години минати во Сирија како заробеник.

Јасуда додека бил заробен драстично изгубил од тежината и имал пуштено густа брада, но на снимката која ја објавила турската влада, тој го потврдил својот идентитет.

„Се викам Јумпеи Јасуда и јас сум јапонски новинар. Бев заробен во Сирија 40 месеци, но сега сум во Турција. Сега сум на безбедно. Фала ви многу“, изјавил Јумпеи.

Властите во Токио направиле детален опис за тоа што сè се случувало со него, откако бил киднапиран од страна на Ал Нусра, милитанска група поврзана со Ал Каеда. Сè се случило многу брзо откако Јасуда минал на сириска територија од Турција уште во јуни 2015 година.

„Она за што сведочел биле драгоцени информации. Сакаме неговото искуство да го искористиме за војната во Сирија конечно заврши“, изјавил Маки Сато, генералниот секретар на јапонско-ирачката медицинска организација.

За две децении, ова е втор пат како Јасуда е заробен. Истото искуство го имал и во 2004 година во Ирак, со уште три јапонски државјани. Неговото ослободување со радост го дочекале неговите родители, кои на аеродромот не можеле да ги сокријат солзите.

„Не можев да направам ништо друго освен да се молам, па тоа го правев секој ден“, раскажала мајката на Јасуда Сачико. Таа вели дека напишала преку 10.000 молби со надеж дека нејзиниот син ќе биде ослободен.

Сопругата на Јасуда, која е пејачка, настапила во живо на телевизија кога стигнале вестите за неговото ослободување. Јапонскиот премиер му се заблагодарил на турскиот претседател Реџеп Тајип Ердоган за улогата која ја одиграл во ослободувањето на новинарот.

 

Портпаролот на јапонската влада истакнал дека за Јасуда не било платена никаква откупнина. Последната порака која Јасуда ја испратил во моментите додека бил заробен, датирала од 23 јуни 2015 година. Тој порачал дека му е оневозможено известувањето и дека повеќе нема да се огласува за своите активности преку Твитер.

 

 

Ќе ви се допадне