Вчеравечер во Лос Анџелес беа објавени номинациите за филмската награда „Златен глобус“ која се смета за предвесник за тоа кои би биле можните добитници на Оскарите следната година во февруари. Доделувањето на наградите ќе се одржи на 7 јануари 2018 година.
За најдобар филм во категоријата драма номинирани се: Call Me by Your Name, Dunkirk, The Post, The Shape of Water и Three Billboards Outside Ebbing, Missouri.
Во категоријата најдобра комедија или мјузикл се номинирани: The Disaster Artist, Get Out, The Greatest Showman, I, Tonya и Lady Bird.
Во категоријата најдобар актер во драма ќе се натпреваруваат: Тимоти Чаламет, Даниел Деј Луис, Том Хенкс, Гери Олдман и Дензел Вашингтон, а за најдобра женска главна улога: Џесика Честејн, Сели Хокинс, Франсес Мекдорманд, Мерил Стрип и Мишел Вилијамс.
За најдобра машка главна улога во комедија или мјузикл се номинирани Стив Карел, Ансел Елгорт, Џејмс Франко, Хју Џекман или Даниел Калуја. За најдобра женска улога во истата категорија се Џуди Денч, Хелен Мирен, Марго Роби, Саша Ронан и Ема Стоун.
За најдобар режисер се номинирани Гиљермо дел Торо, Мартин Мекдон, Кристофер Нолан, Ридли Скот или Стивен Спилберг.
