По ладниот бран, викендов сонце и температури над 30 степени

Следните денови времето во Македонија ќе биде сончево, со значително повисоки дневни температури. Утре температурата ќе биде до 28, а за време на викендот до 32 степена, соопшти Управата за хидрометеоролошки работи.

До сабота утринските температури ќе бидат многу ниски и на некои повисоки места ќе се спуштат и до нула степени. Од викендот повторно температурите ќе растат и ќе се задржат околу триесеттиот степен во целата земја.

В петок максималната температура ќе достигне 28 степени (во Гевгелија), во Скопје ќе биде 24, а минималната ќе се движи од нула до четири степени.

Од следната среда дневните постепено ќе се намалуваат и ќе се движат меѓу 24 и 28 степени.

Scroll to Top