Принцот Филип пуштен од болница

Сопругот на британската кралица Елизабета Втора, принцот Филип, по еден месец, денес излезе од болница. Изминатиот период тој беше под надзор на медицинскиот персонал, објави Би-би-си.

Војводата од Единбург (99) беше хоспитализиран во болницата „Крал Едвард VII“ поради здравствени проблеми. Подоцна беше префрлен во лондонската болница „Свети Вартоломеј“ поради проблеми со срцето. Таму му беше извршена и операција.

Принцот Филип мина 28 дена во болница и тоа е најдолгиот негов престој, а од кралското семејство засега не ги откриваат причините за неговата нарушена здравствена состојба. Од Бакингемската палата само соопштија дека неговата хоспитализација не е поврзана со коронавирусот, пренесува Би-би-си.

Scroll to Top