Од австралискиот центар за дигестивни болести бараат луѓе со здрава столица за да може да извршат трансплантација на микрооргазнимите од нивните фекалии и на тој начин да им помогнат на луѓето со медицински проблеми, а најдобро од сето тоа е што за ваквата работа се плаќа.
Секако, главниот услов е столицата да биде совршено здрава, а потенцијалниот донор во исхраната не смее да користи пченка, шунка, колбаси, школки и антибиотици. Уште еден од условите е донорот да живее релативно во близина, односно да е оддалечен најмногу еден час од центарот затоа што фекалиите мора да бидат посвежи“, пренесува „Дејли телеграф“.
Како што стојат работите, побарувачката е навистина голема, а листата на донори е многу мала и не ги задоволува потребите што центарот ги има. Поради тоа, овој центар одлучил да им плати на луѓето што се подготвени да донираат столица, и тоа 40 евра од една испорака, а бидејќи испораките се примаат пет дена во неделата, поединци би можеле да зарабтат и до 10.500 евра годишно.
Микроорганизмите од столицата може да помогнат во низа медицински проблеми, меѓу кои и мултипла склероза и хронична дијареја, па затоа не чуди што лекарите на ваков начин ги потикнуваат луѓето на донирање фекалии.