Коронавирусот на сите ни ги помати плановите, но ни останува да фантазираме за идната година.
Можеби имавте во план да посетите некој од европските новогодишни базари? Почекајте го наредниот декември, а дотогаш уживајте во досегашната магија на најубавите празнични маркети во Европа створена изминативе години.
Магичната Будимпешта
Веќе долгоомилениот зимски настан во Унгарија, со наслов Advent Feast at the Basilica, на почетокот ја однесе титулата за најдобар новогодишен маркет во Европа. Најголемото 3Д-лајтшоу на Стариот континент привлекува многубројни туристи баш како и тезгите со национална храна и пиење, како и неизбежните џиџиња.
View this post on Instagram
Овде секогаш може да се купат подароци без преголема тензија, а по преголемата тензија, по незаборавната забава и шопингот, ќе остане и некој денар во паричникот. Освен тоа, Будимпешта се издвојува и по тоа што нејзиниот маркет носи титула екофрендли. Сето она што останува од посетителите се рециклира!
View this post on Instagram
„Винтер фест“ во Нови Сад
Најстариот маркет во Србија, кој трае од католичкиот до православнот Божик, го зазеде десеттото место на листата најдобри во Европа. Празничната магија минатата година го собори рекордот по бројот на посетители, а распеаната елка, потрагата по јаболкото во игротеката од сенки, возењето со рингишпил, качувањето по светкавиот видиковец… се само дел од атракциите во текот на новосадскиот зимски фестивал.
View this post on Instagram
View this post on Instagram
Неприкосновената Виена
Еден од најубавите градови во Европа е оценет како престолнината со неприкосновена празнична атмосфера, но потклекна пред Будимпешта, по што го зазеде второто место на листата најдобри.
View this post on Instagram
На плоштадот на градската куќа Vienna Magic of Advent секогаш е магично, таква е впрочем целата Виена во текот на божикните и новогодишните празници.
View this post on Instagram
Гдањск за романтични души
Еден од најевтините градови во Европа, а за него велат дека е најромантичен, се закити со третото место. Во Гдањск во текот на празниците врие од парови не само поради добриот провод. Уживањето во оваа единствена бајка го користат заљубените од целиот свет за да се сликаат под големата имела, која ја бие глас, кој и да ја посети, дека ќе ја поддржи нивната љубов до крајот на животот.
View this post on Instagram
View this post on Instagram
Бајка од Прага
Оној што бил за време на божикните базари во Прага со право може да се каже дека е среќник. Чешкиот град е секогаш убав, но кога ќе паднат снегулките и градските власти ќе ја накитат огромната елка со безброј лампиони на староградскиот плоштад, навистина ќе се чувствувате како јунак од некоја бајка. Божикниот пазар, отворен и по Нова година, го надополнуваат: дрвени куќички преполни со божикни украси, тантели, познатото чешко стакло, резбани играчки…
View this post on Instagram
Нема што нема, а расположението го поткреваат и уличните музичари, детските хорови, фасцинантните концерти во црквите…
View this post on Instagram
Минхен и љубов во воздухот
Ѕвездички, ѕвездени топки, дрвени фигури, свеќи, волнени капи и, како што истакнуваат домаќините, љубовта во воздухот можете да ја купите и почувствувате на дури 20 базари во главниот и најнаселен град во Баварија. Традиционално се одржуваат веќе 500 години!
View this post on Instagram
View this post on Instagram
Москва и нејзините 34 базари
Секоја година на 16 декември во Москва се отвораат дури 34 базари! Не треба посебно да се зборува колку величествено изгледа Црвениот плоштад за време на празниците. Совршено место за купување сувенири типични за Русија, а мноштво традиционални бабушки го опколуваат најголемото лизгалиште во градот. Сјајната топка ја украсуваат ЛЕД-светла во должина од 9,5 км!
View this post on Instagram
Небото над Москва е прекриено со безброј ѕвезди, а во целиот град се поставени илјадници новогодишни елки. Пешачката зона е проширена, така што, каде и да отидете, е вистински рај!
View this post on Instagram
