Претседателот на Русија, Владимир Путин, смета дека репрезентацијата на Шпанија е главен фаворит за освојување на Светското првенство во фудбал во Русија.
„Многу репрезентации имаат барем една врвна ѕвезда, некои и повеќе, но Шпанија ги има на секоја позиција. Тоа е една од причините зошто беа доминантни во квалификациите, без ниту еден пораз“, изјавил Путин на состанокот со новинарите во Москва.
Путин потсетил дека Шпанија била на врвот на светот во 2010 година во Јужна Африка, пред изненадувачки да заврши со своите настапи во групната фаза на турнирот во Бразил четири години подоцна. Но и покрај тоа, Путин „црвената фурија“ сега ја гледа како прв фаворит во Русија.
Шпанските фудбалери на Мундијалот ќе играат во Б-групата со Португалија, Иран и Мароко и доколку минат во осминафиналето ќе ги вкрстат силите во А-групата, во која домаќин е Русија, Уругвај, Египет и Саудиска Арабија.
